از قلم: محمد افتخارالحسن خندہ سہارنپوری

سیرتِ نبوی ﷺ سے محبت اور اس کے مطالعے کا ذوق ہر دور میں زندہ رہا ہے۔ اسی احساس کے تحت سیرت سے متعلق ایک سلسلہ شروع کیا گیا، جسے قارئین کی توجہ اور حوصلہ افزائی حاصل ہوئی۔ اس محبت اور پذیرائی نے یہ احساس مزید مضبوط کر دیا کہ سیرتِ طیبہ ﷺ سے متعلق جو عظیم علمی سرمایہ ہمارے پاس موجود ہے، اسے منظم اور آسان انداز میں قارئین کے سامنے لایا جائے۔اسی ضرورت کو محسوس کرتے ہوئے سہ ماہی مجلہ ’’جہانِ سیرت‘‘ میں ’’کتابیاتِ سیرت‘‘ کے عنوان سے ایک نئے سلسلے کا آغاز کیا جا رہا ہے،جس کا مقصد یہ ہے کہ سیرتِ نبوی ﷺ پر لکھی گئی کتابوں کا تعارف ایک جگہ جمع ہو جائے، تاکہ محبّانِ سیرت اور اہلِ علم حضرات اس سے فائدہ اٹھا سکیں۔

ہندوستان میں سیرت کی کتابیات پر بہت کم کام ہوا ہے۔ کافی تلاش کے باوجود یہاں کے حوالے سے کوئی جامع اور مستقل کتابیاتِ سیرت سامنے نہیں آ سکی۔ البتہ پڑوسی ملک سے اس میدان میں ہونے والا کام قابلِ قدر ہے، خاص طور پر قاموسِ کتبِ سیرت اور جامع کتابیاتِ سیرت جیسی تصانیف، جنہیں محترم حافظ عارف گھانچی صاحب، ڈاکٹر جنید انور صاحب اور ڈاکٹر عزیز الرحمٰن صاحب نے بڑی محنت سے مرتب کیا ہے۔ انہی علمی کوششوں نے یہ حوصلہ دیا کہ ہندوستان میں بھی اس سمت ایک سنجیدہ قدم اٹھایا جائے۔اس سلسلے کی پہلی قسط میں ہندوستانی خواتین اہلِ قلم کی وہ کتابیں پیش کی جا رہی ہیں جو سیرتِ طیبہ ﷺ پر لکھی گئی ہیں۔ اس میں وہی کتب شامل کی گئی ہیں جو ہندوستانی خواتین کے قلم سے منصۂ شہود پر آئی ہیں۔ اس کتابیات میں ۱۹۴۷ء سے پہلے کی کتابوں کو بھی شامل رکھا گیا ہے، کیونکہ وہ متحدہ ہندوستان کے علمی ماحول کی نمائندگی کرتی ہیں۔ اللہ تعالیٰ سے دعا ہے کہ وہ اس چھوٹی سی کوشش کو قبول فرمائے اور ’’جہانِ سیرت‘‘ کو سیرتِ نبوی ﷺ کے پیغام کو عام کرنے کا ایک مفید اور بابرکت ذریعہ بنائے۔

ہندوستانی خواتین اہلِ قلم کی کتبِ سیرت: ایک کتابیات